Profero med sine fire årsverk jobbar med studiesenter, bedriftsetablering, utvikling, rekruttering og ungdomsarbeid med eit breitt perspektiv. Brøske meiner ei samanslåing av utviklingsaktørane i Halsa, Surnadal og Rindal ville vore optimalt.
Ein ville da fått ei større og meir slagkraftig utviklingsbedrift.
Styreleiaren veit at han seglar i opprørt vatn med ønsket om ei samling. Rindal og Halsa kommunar har så langt verna om sine utviklingsressursar.
Men Brøske meiner ei samanslåing vil gje utviklingsarbeidet på Indre Nordmøre ein unik dynamikk som ikkje vert så lett råka av uventa hendingar.
Arbeidsmarknaden og utviklingsarbeidet kjenner ingen kommunegrenser etter Brøskes meining.
- Dette er ein visjon som må modnast, men som eg ikkje vil gje slepp på, seier Brøske
